دكتور الجلدية.. اهم اختيار

كثير من البنات بيلجأوا لدكتور الجلدية لعلاج مشاكل البشرة و الشعر و غالبا العلاج بيأخذ وقت و بيبقي مكلف نوعا ما علشان كده مهم جداً اختيار دكتور جلدية تثقي فيه و في مهاراته و في التقنيات و الأجهزة المستخدمة في عيادته

من أهم الحاجات اللي تأخذي بالك منها هي طلب الدكتور لتحاليل و الاستفسار عن الماضي الطبي لأنه أحيانا بيبقي فيه أسباب عضوية لمشاكل البشرة و الشعر و لا يتم علاجها ظاهريا فقط لأنها بتحتاج لعلاج السبب نفسه مثل علاج الأنيميا التي تسبب تساقط الشعر.

في حالة اللجوء الي استخدام التقنيات الحديثة زي الليزر لعلاج مشاكل البشرة يجب السؤال عن عدد الزيارات المتوقعة لاتمام العلاج و التكلفة النهائية لمعرفة مقدرتك علي تحمل كلفة العلاج. و يمكنك ايضا السؤال علي التقنيات المختلفة و تكلفة كل منها و فوائد و أضرار كل منها حتي تقومي باتخاذ القرار بشكل سليم

و من المهم أيضاً الارتياح للدكتور و المعاونين علشان تقدري تطرحي كل استفساراتك

و يجب أيضا التأكد من النظافة العامة و التعقيم و الالتزام بمواعيد الكشف و الحجوزات لصحتك و راحتك

لو عندك تجربة ايجابية مع دكتور جلدية شاركيها معانا على موقعنا