أم العريف بتقولك ايه ؟

أم العريف دايماً جاهزة بوصفات طبية، ولكل مشكلة عندها دايماً حل جاهز..مش شرط الحل ده يكون علمي أو بناء علي حقائق علمية، بس ممكن يكون بالتوارث، جد يقول لجدة تقول لجد تالت لحد ما توصلّنا المعلومة.أم العرّيف دايماً واثقة في نصايحها،بس هل احنا كمان لازم نثق فيها؟
أم العرّيف بتقول :

لو عينك تعبانة حط عليها زيت كافور!

زيت الكافور له فوائد كتيرة في معالجة البرد و تقوية الشعر والتهاب الجيوب الأنفية ، وممكن كمان يستعمل كمعقم للهواء و قاتل للروائح الكريهة وعلاج للالتهابات، لكن بيتم التحذير بشدة ان يتم استعماله علي العين او الجروح المفتوحة و الشفاه واللسان. و في بعض الدول مثل استراليا بتصنف الأدوية التي تحتوي علي نسبة 25% او اكثر من زيت الكافور كمواد سامة و بتتم تعبئتها في حاويات خاصة.

لو لسة والدة، اوعي تستحمّي !

النضافة الشخصية بعد عملية الولادة مهمة جدا خاصة في الولادة الطبيعية. و من ضمنها الاستحمام بشكل دائم بمياة جارية مع مراعاة بقاء الجرح جافاً ، وفي بعض الأحيان بيتم التحذير من الجلوس في مياة الاستحمام لتفادي دخول المياة للجروح و انتقال العدوي أو الاصابة بأي بكتيريا، وبيتم التحذير نهائياً من استعمال زيوت أو اضافات خاصة لمياة الاستحمام.

الجاز..سر جمال شعرك !

الجاز له استعمالات عديدة في بيوتنا، كوقود و ماليء للمبات الجاز و منظف وكمان بيستخدم في عمليات الدهان، لكن للشعر ! الدراسات اثبتت ان استخدام الجاز للتخلص من الحشرات والحصول علي شعر لامع و تقيل خطر جدا، و يجب عدم استعماله علي العين أو الجلد لأن الجلد بيمتصها ومن الممكن أن يتسبب التهاب شديد، و حوادث تانية كتير لانه مادة قابلة للاشتعال.

المصادر:

http://draxe.com/eucalyptus-oil-uses-benefits/

http://www.eucalyptusoil.com/safety

http://www.newhealthguide.org/Bathing-After-Giving-Birth.html

http://www.peoplespharmacy.com/2008/03/10/dont-put-kerose/